Gizakiak BBK Deia Elkartasun Saria 2026 — XI. edizioa jaso du

Saritutako beste erakundeen artean, Gizakiaz gain, honako hauek izan ziren: Ellacuría Fundazioa eta Peñaskal Kooperatiba —biak ere ohiko lankideak—, baita Avifes, Saiatu Fundazioa, Egintza eta Zabalketa ere. Guztiek partekatzen dute Gizakiarekin helburu bera: konpromiso sozial eta gizatiarretik abiatuta gizarte hobea eraikitzea.

Gizakiarentzat, azken asteetan jasotako beste aitorpenei eta iazkoei gehitzen zaien sari hau seinale argia da: egunerokoan egiten dugun lan isil, jarraitu eta askotan ikusezinak balioa duela eta nabarmendua izatea merezi duela. Sari honek gogorarazten digu gure lanak benetako eragina duela pertsonen bizitzetan, eta Bizkaiko gizarteak ere aitortzen duela egiten duzuen lanaren balioa.

 

Aitorpen hau, halaber, urtero Gizakian konfiantza jartzen duten pertsonen balioa aitortzeko ere bada, gure tratamendu, arreta eta orientazio programetan parte hartzen dutenena. Izan ere, prozesuak askotan ez dira linealak ezta errazak ere, eta ausardia eta kemena behar dira egunez egun etorkizun hobea eraikitzen jarraitzeko.

Gizakiak aurrera jarraituko du orain arte hona ekarri gaituen bokazio berarekin, errealitate berrietara egokituz eta berritzen: mendekotasun teknologikoak, online jokoa, eta gure gazteen artean gero eta handiagoa den ondoez emozionala.

Eta hori administrazio publikoekin eta beste erakundeekin elkarlanean egingo dugu; izan ere, elkarrekin indartsuagoak gara, badakigulako ez gaudela bakarrik, eta gizarte kohesionatuago eta bidezkoago bat eraikitzen dela ere hirugarren sektorearen lana aitortuz eta babestuz. Eskerrik asko aitorpen honengatik, eskerrik asko eraikuntza horren parte izateagatik.

Eskerrik asko. Muchas gracias.