40 urte zure ondoan: Bilboko Elizbarrutiak Elizbarrutiko Jardunaldia ospatu du Proyecto Hombre Bizkaiaren alde
Bilbo, 2025eko urriaren 30a — Azaroaren 2an, igandea, Bilboko Elizbarrutiak Elizbarrutiko Jardunaldia ospatuko du Proyecto Hombre Bizkaiaren alde. Aurtengo edizioak bereziki garrantzitsua izango da, programaren irekieraren 40. urteurrena ospatuko delako. Bizkaian milaka bizitza eraldatu dituzten lau hamarkada konpromiso, lagunarte eta itxaropenez beterik.
“Zurekin ibiltzen, bizitza bultzatzen, etorkizuna eraikitzen” goiburupean, jardunaldi hau omenaldi kolektibo bihurtzen da, Proyecto Hombre-n sendabide, duintasun eta gizarteratze bide bat aurkitu duten pertsona guztientzat. Anonimotasunetik edo bokaziotik proiektu hau profesionaltasunez, emankortasunez eta fedez sostengatu dutenei ere errekonozimendua da.
Kontatu beharreko istorio bat
80ko hamarkadan hasi zenetik, Proyecto Hombre Bizkaia —Gizakia Fundazioak kudeatua eta Bilboko Elizbarrutiak sustatua— askoz gehiago izan da programa terapeutiko bat baino: babesleku bat izan da, bigarren aukera bat, eta istorio bakoitzak bere lekua duen espazio bat. Jardunaldia elizbarrutiko parrokia guztietan ospatuko da, eta eukaristiak eskainiko zaizkie errehabilitazio-prozesuan dauden pertsonei, haien familiei eta haiekin lan egiten duten profesionalei. Horrez gain, informazio-guneak eta dohaintzak biltzeko espazioak jarriko dira martxan, Gizakia Fundazioak arlo sozialean, sanitarioan eta lan-munduan garatzen dituen programak bultzatzen jarraitzeko.. |  |
Gizakia Fundazioa: etorkizuna eraikitzen
Gizakia Fundazioak, irabazi-asmorik gabeko erakundea eta onura publikokotzat aitortua, bere helburu fundazionaletik abiatuta hartu zuen proiektuaren ardura: emakumeen eta gizonen defentsa, drogamenpekotasunaren eta gizarte-bazterketaren beste forma batzuen aurrean. Bere esku-hartze integrala honako arlo hauek hartzen ditu barnean:
- Nerabeen arrisku-jokabideen prebentzioa.
- Mendekotasunak dituzten pertsonen tratamendua eta gizarteratzea.
- Enplegagarritasun zaila duten kolektiboen laneratzea.
- Profesionalentzako eta gizartearentzako sentsibilizazioa eta prestakuntza.
Hori guztia, familia eta gizarte-inguruneekin lankidetza estuan, eta komunitateko baliabideekin sarean lan eginez.
Gure jarduera sostengatzen duten balioak
Gizakia Fundazioaren lana lau hamarkadatan zehar gidatu duten balio sendoetan oinarritzen da:
- Elkartasuna, gehien behar dutenekin.
- Pertsonaren protagonismoa, esku-hartze ororen erdigunean.
- Berdintasunaren sustapena, aukeretan eta tratuan.
- Arreta integrala, bizitzaren dimentsio guztietan.
- Gaitasun profesionala, kalitatez eta gertutasunez.
- Parte-hartzea, profesionalena, boluntarioena eta erabiltzaileena.
- Gardentasuna, kudeaketan eta komunikazioan.
- Sare-lana, erakunde publiko eta pribatuekin.
- Nortasuna, bere misio eta ikuspegiarekin koherentea.
Elkarrekin ibiltzeko gonbidapena
- Bilboko Elizbarrutiak herritar guztiak gonbidatzen ditu jardunaldi oroigarri honetan parte hartzera, elkartasun-ekitaldi hutsa izateaz gain, gainditze-prozesu bakoitzaren balioa aitortzeko eta gizarte bidezkoago, inklusiboago eta errukitsuago batekin konpromisoa berritzeko aukera baita.
- Urrats bakoitza garrantzitsua da. Bizitza bakoitzak aukera merezi du Elkarrekin ibilita, etorkizuna eraikitzen dugulako.
- Antolatutako ekitaldiei eta laguntzeko moduei buruzko informazio gehiago nahi izanez gero, Bilboko Elizbarrutiaren edo Gizakia Fundazioaren webguneak bisitatu daitezke.
